Tuesday, November 17, 2009

ക്രിസ്തുവിനേക്കാൾ മിടുക്കനല്ലേ ക്രിസ്ത്യാനി ?

ചരിത്രത്തിലെ ഒഴിവാക്കപ്പെടാനവാത്ത ഒരു പഴയ മനുഷ്യൻ ! ചരിത്രത്തിന്റെ ഭാഗമാണിവൻ!
ഇവന്റെ അനുയായികളായി ജനകോടികളണുള്ളത് !

ഇവന്റെ ചില പ്രത്യേകതകൾ :

അച്ചനുമമ്മക്കും സംമ്പാദ്യമൊന്നുമില്ല.
ജനിച്ചു വീഴാൻ പോലും ഒരു വീട് കിട്ടിയില്ല....അഭയാർഥിയായിട്ട് കാലിത്തൊഴുത്തിലാണ് ജനനം പോലും....
ജനിച്ചയുടനെ കൊന്നുകളയാൻ ഭരണകൂടത്തിന്റെ ശ്രമം...... തുടർന്ന് രണ്ട് വർഷം ഒളിവിലെ ജീവിതം.
തുടർന്നുള്ള ജീവിതം മുഴുവൻ സംഭവബഹുലം...
കുറേ ശിഷ്യന്മാർ..... എല്ലാം സംസ്കാരവും വിവരവുമില്ലാത്ത നിരക്ഷരക്ഷരകുക്ഷികൾ!
ചുങ്കക്കാരും പാപികളും വേശ്യകളും അവന്റെ അനുയായികൾ !
അവൻ ചെയ്യുന്നതു മുഴുവൻ അത്ഭുതങ്ങൾ...... മരിച്ചവരേപ്പോലും ജീവിപ്പിക്കുന്നു!
ലോകം മുഴുവൻ കീഴടക്കാൻ മറ്റെന്തുവേണം?
ഭരണകൂടത്തിന്റേയും മതാധികാരികളുടേയും കണ്ണിലേ കരട്!
ജനപിന്തുണയുള്ളതിനാൽ ഭയപ്പെടേണ്ടവൻ !

ഒടുവിൽ കൂട്ടത്തിൽ നിന്നുതന്നെ ഒരുവനാൽ മതാധികാരികൾക്ക് ഒറ്റിക്കൊടുക്കപ്പെട്ടു ! (അന്നും കൈക്കൂലി കൊടുത്ത് കാര്യം സാധിക്കുന്ന മതാധികാരികൾ ഉണ്ടായിരുന്നു)
ഒന്നും മിണ്ടാതെ നിന്നു അവർ കുഴിച്ച കുതന്ത്രങ്ങളിൽ സ്വയം വീണു സമൂഹത്തിലെ ഏറ്റവും താണ വധശിക്ഷയായ കുരിശുമരണം സ്വീകരിച്ചു! ജീവിതത്തിലെ താരപരിവേഷവും അത്ഭുതങ്ങളുമൊന്നും ഈ തരംതാണ മരണം ഒഴിവാക്കാനുപയോഗിക്കപ്പെട്ടില്ല !

മരിച്ച ക്രിസ്തുവിനെ മറവു ചെയ്യാൻ സ്ഥലമില്ലാഞ്ഞിട്ട് വധിച്ചവർ തന്നെ കാശുകൊടുത്ത്  വല്ലവന്റേയും കല്ലറ വാങ്ങിയാണ് ജഡം മറവു ചെയ്തത് !

മൂന്നു ദിവസങ്ങൾക്കു ശേഷം സ്വയം ഉയർത്തെഴുന്നേറ്റു, ശിഷ്യന്മാരെ എല്ലാം ഏൽ‌പ്പിച്ച് ഉയരങ്ങളിലേക്ക് പോയി!

================================================================

കാലം മാറി ....കഥ മാറി (ക്രിസ്തുവും മാറി) !

അനുയായികൾ അങ്ങു ആകാശം മുട്ടെ വളർന്നു......
യുറോപ്പുമുഴുവൻ പടവലങ്ങപോലെ അനുയായികൾ വളർന്നു !

അവസാനം ഇങ്ങു കൊച്ചുകേരളത്തിലും അനുയായികളുടെ വളർച്ചതുടങ്ങി.....
ചുമ്മാ ഒരു സമ്മേളനം വിളിച്ചാൽ‌പ്പൊലും രാഷ്ട്രപതി, പ്രധാനമന്ത്രി, ഭരണപക്ഷം, പ്രതിപക്ഷം എല്ലാവരും കാൽക്കീഴിൽ ! തിരഞെടുപ്പിൽ ആരു നിൽക്കണം എന്നുപോലും ഈ അനുയായികൾ തീരുമാനിക്കും ! (ഒരു സ്വാധീനവുമില്ലാതിരുന്ന ക്രിസ്തു ഇതൊന്നു കണ്ട് പഠിക്കട്ടേ...) ഇനി തിരഞ്ഞെടുപ്പിനിടക്കെങ്ങാനും ഒരു മൂത്ത അനുയായി മരിച്ചാൽ (ക്ഷമിക്കണം...ക്രിസ്തുവാണു മരിക്കുന്നത്.....ഇവർ മരിക്കുകയില്ല......കാലം ചെയ്യുകയേയുള്ളൂ..) പാർട്ടിക്കാരെല്ലാം കൂടി തിരഞ്ഞെടുപ്പിനു തന്നെ അവധി പ്രഖ്യാപിച്ചുകളയും !

ആറടി മണ്ണ് പോലും അവകാശമായില്ലതിരുന്ന ക്രിസ്തുവിന്റെ അനുയായികൾ ഇപ്പോൾ മറ്റൊരു മത്സരത്തിലാണ് ! ആലയം പണി മത്സരം !

ആറ് വർഷങ്ങൾക്ക് മുൻപ് എറണാകുളം കടവന്ത്രയിൽ മൂന്നുകോടി മുടക്കി കേർളത്തിലെ ഏറ്റവും വലിയ പള്ളി ക്രിസ്തുവിനു പണിതു കൊടുക്കും എന്നു പ്രഖ്യാപിച്ചാണ് മത്സരം തുടങ്ങിയത് ! (ക്രിസ്തുവിന്റെ ഒന്നാം ഞെട്ടൽ)

തൊട്ടുപിന്നാലെ നാലുകോടിമുടക്കി അങ്കമാലിയിൽ കേർളത്തിലെ ഏറ്റവും വലിയ പള്ളി ക്രിസ്തുവിനു പണിതു  (പണി) കൊടുക്കും എന്നു പ്രഖ്യാപിച്ച് മത്സരം ശക്തമാക്കി ! (ക്രിസ്തുവിന്റെ രണ്ടാം ഞെട്ടൽ) അവിടുത്തെ ദിവസക്കൂലിക്കാരനുപോലും പിരിവ് വിഹിതം അൻപതിനായിരം രൂപയായിരുന്നു. ക്രിസ്തുവിനിട്ടുള്ള പണി തീർന്നപ്പോൾ ആറുകോടി രൂപയായി. മൂന്ന് അച്ചന്മാർ താമസിക്കുന്ന അരമനക്കുതന്നെ 70 ലക്ഷം രൂപ!

എന്നാൽ‌പ്പിന്നെ പമ്പിനെക്കൊന്നു എന്ന ഒറ്റക്കാരണത്താൽ വിശുദ്ധനാക്കപ്പെട്ടവന്റെ ശിങ്കിടികൾക്ക് വെറുതെയിരിക്കാൻ പറ്റുമോ ...... അവരും ചുമ്മാ അങ്ങു പ്രഖ്യാപിച്ചു .... 40 കോടി മുടക്കി ഞങ്ങൾ ക്രിസ്തുവിനു പണി കൊടുക്കും !  എറണാകുളം ഇടപ്പള്ളിക്കാരുടെ ഈ സ്നേഹം കേട്ടപ്പോൾ തന്നെ ക്രിസ്തു മൂന്നാമതു ഞെട്ടാൻ നിന്നില്ല, (അറ്റാക്ക് വന്നു) മൊത്തം അനുഗ്രഹവും ഇടപ്പള്ളിക്കാർക്കുതന്നെ എന്നു തീരുമാനിച്ചു.
എന്നാൽ ക്രിസ്തു ഇപ്പോൾ ലൂർദ് ആശുപത്രിയിലായതുകൊണ്ട് ബില്ലു വരുമ്പോൾ എന്തു തീരുമാനിക്കും എന്നു പറയാൻ പറ്റില്ല (കാരണം ലൂർദും സഭയുടെ തന്നെയാണല്ലോ)


പണി നടന്നുകൊണ്ടിരിക്കുന്ന ഇടപ്പള്ളിപ്പള്ളി.



ഇപ്പോൾ: ക്രിസ്തു പണ്ട് പറഞ്ഞതൊക്കെ എങ്ങിനെ വിഴുങ്ങാം എന്നതിനു ആർക്ക് ശിഷ്യപ്പെടണം എന്നുള്ള അലോചനയിലാണെന്നും കേട്ടു.

അങ്ങനെ എളുപ്പത്തിലൊന്നും മായ്ക്കാൻ പറ്റുന്നതല്ലല്ലോ ആ വാചകങ്ങൾ !

“നിന്നേപ്പോലെ തന്നെ നിന്റെ അയൽക്കാരനേയും സ്നേഹിക്കണം”
“ദൈവം സ്നേഹമാണ്”
“കാണപ്പെടുന്ന സഹോദരനേ സ്നേഹിക്കാൻ കഴിയാത്തവൻ എങ്ങിനെ കാണപ്പെടാത്ത ദൈവത്തേ സ്നേഹിക്കും?”

“രണ്ടുള്ളവൻ ഒന്നില്ലാത്തവനു കൊടുക്കട്ടെ”
“ദൈവത്തെ ആരാധിക്കുന്നവർ ആ മലയിലും ഈ മലയിലുമല്ല പോകേണ്ടത്”
“രണ്ടോ മൂന്നോ പേർ എന്റെ നാമത്തിൽ ഒരുമിച്ചുകൂടുന്നിടത്തെല്ലാം അവരുടെ മധ്യേ ഞാനുണ്ടാവും”

അങ്ങനെ ധാരാളം വാചകങ്ങൾ !

നാട്ടുകാരനിപ്പോൾ ഒരു സംശയം :

ആ ക്രിസ്തു തന്നെയാണോ ഈ ക്രിസ്തു ? 
അതോ ക്രിസ്തുവിനും ജനിതമാറ്റം സംഭവിപ്പിച്ചോ?(സംഭവിക്കില്ലല്ലോ)

  • കഴിവുണ്ടായിട്ടും ഒന്നുമില്ലാതിരുന്ന അന്നത്തെ ക്രിസ്തുവല്ല ഇവർ പറയുന്ന ഇന്നത്തെ സമ്പന്നക്രിസ്തു !

  • പാവങ്ങളുടേയും ആലംബഹീനരുടേയും അന്നത്തെ ക്രിസ്തുവല്ല ഇവർ പറയുന്ന ഇന്നത്തെ സമ്പന്നക്രിസ്തു !

  • സീസറിനുള്ളത് സീസറിനും ദൈവത്തിനുള്ളത് ദൈവത്തിനും എന്നു പറഞ്ഞ് ലോകാധികാരത്തിൽ ഇടപെടാത്ത  അന്നത്തെ ക്രിസ്തുവല്ല ഇവർ പറയുന്ന ഇന്നത്തെ രാഷ്ട്രീയക്രിസ്തു !

  • വള്ളത്തിലും തെരുവിലുമൊക്കെ അന്തിയുറങ്ങിയിരുന്ന അന്നത്തെ ക്രിസ്തുവല്ല  അരമനകളിലുറങ്ങുന്ന ഇന്നത്തെ തിരുമേനിക്രിസ്തു !

  • സ്വന്തം ജഡം മറവു ചെയ്യാൻ പോലും സ്ഥലമില്ലാതിരുന്ന അന്നത്തെ ക്രിസ്തുവല്ല മരിച്ചവന്റെ ജഡം മറവുചെയ്യണമെങ്കിൽ പതിനായിരക്കണക്കിനു രൂപ വാങ്ങുന്ന ഇന്നത്തെ റിയൽ എസ്റ്റേറ്റ് ക്രിസ്തു !
  • ദൈവാലയത്തിലെ കച്ചവടത്തിനെതിരേ ചാട്ടവാറെടുത്ത അന്നത്തെ ക്രിസ്തുവല്ല  , അന്തർദേശ്ശീയ തീർഥാടനകേന്ദ്രങ്ങളിൽ എണ്ണയും, തിരിയും, കുരിശും, പുസ്തകങ്ങളും, കൊന്തയും വെന്തിങ്ങയുമെല്ലാം വിൽക്കുന്ന ഇന്നത്തെ കച്ചവടക്രിസ്തു !

ഈ കച്ചവടങ്ങൾക്ക് കൂട്ടുനിൽക്കുന്ന ഞാനും നിങ്ങളുമൊക്കെയാണോ ക്രിസ്തുവിന്റെ അനുയായികൾ എന്നർഥമുള്ള ക്രിസ്ത്യാനി? നമ്മളൊക്കെ ക്രിസ്തുവിനെതിരേ നിൽക്കുന്ന (anti christ) അന്തിക്രിസ്തുവിന്റെ അനുയായികളല്ലേ?

ക്രിസ്തുവിനെതിരേ നിൽക്കുന്നവരല്ലെങ്കിൽ മറ്റാരാണ്.............ആന്റി ക്രൈസ്റ്റ് ?

42 comments:

നാട്ടുകാരന്‍ said...

ക്രിസ്തുവാണോ ക്രിസ്ത്യാനിയാണോ മിടുക്കൻ?

കിടങ്ങൂരാൻ said...

അങ്കമാലി പള്ളിയെ പറ്റി പറയരുത്‌..അതിന്റെ പണി കഴിഞ്ഞപ്പോഴേക്കും കുറേ പട്ടിണി പാവങ്ങള്‍ രക്ഷപെട്ടു. പള്ളി കൈക്കാരന്‍ 15 ലക്ഷം കൊടുത്താണ്‌ മോളെ കെട്ടിച്ചു വിട്ടത്.

നാട്ടുകാരന്‍ said...

കിടങ്ങൂരാൻ,

അതാണു പറയുന്നത് ക്രിസ്തു ഇവരുടെയും രക്ഷകനാണെന്നു :)

അങ്കമാലിയിലെ എൻജിനീയറച്ചൻ “കരിയാറ്റി“ അവിടുന്ന് നേരെപോയി കന്യാസ്ത്രീകളുടെ കരണം പുകച്ച കഥ അറിഞ്ഞിരുന്നോ? അതും സ്വത്തിനു വേണ്ടി!

തെക്കേടന്‍ / ഷിബു മാത്യു ഈശോ തെക്കേടത്ത് said...

ഇടപ്പള്ളി പള്ളിയുടെ മുന്നില്‍ ചില ദിവസങ്ങളില്‍ ഏതോ സമരത്തിന്റെ ബാ‍നര്‍ കാണാമല്ലോ? സമരം ആയിരം ദിവസങ്ങള്‍ പിന്നിട്ടു എന്നാണ് അതില്‍ എഴുതിയിരിക്കുന്നത്. വണ്ടിയില്‍ പെട്ടന്ന് ആ വഴി പോകുന്നതുകൊണ്ട് കാരണം എന്താണന്ന് വായിച്ചെടുക്കാന്‍ പറ്റിയിട്ടില്ല....

---------------
മാതൃഭൂമി ആഴ്ച പതിപ്പ് നവംബര്‍ 15 ആം ലക്കത്തില്‍ മാര്‍ പൌവ്വത്തിലിന്റെ അഭിമുഖം ഉണ്ട്.

ഹരീഷ് തൊടുപുഴ said...

:)

chithrakaran:ചിത്രകാരന്‍ said...

സാമൂഹ്യ പ്രസക്തിയുള്ള ചിന്തിപ്പിക്കുന്ന പോസ്റ്റ്.
കൃസ്തു എന്നത് സാത്താന്‍ അണിയുന്ന ഒരു മുഖാവരണം മാത്രമാണ്. സഭയും,അതിനോടനുബന്ധിച്ച അധികാരി വര്‍ഗ്ഗവും
കൃസ്തുവിന്റെ സാധ്യതകള്‍ ചൂഷണം ചെയ്യുന്ന സാത്താന്റെ മാര്‍ക്കെറ്റിങ്ങ് സംവിധാനം മാത്രമാണ്.

രക്തസാക്ഷികളോളം ചൂടപ്പം പോലെ വിറ്റുപോകുന്ന
ചരക്കുകള്‍ വേറെയില്ല.

അപ്പൂട്ടന്‍ said...

നാട്ടുകാരാ,
തെറ്റാണെങ്കിൽ ക്ഷമിക്കൂ.

ഇപ്പറയുന്നതൊക്കെ ഈ കാലഘട്ടത്തിന്റെ മാത്രം പ്രത്യേകതയാണോ? സാമൂഹികാധികാരത്തിനായി സഭകൾ ഭരണാധിപരെ കൂട്ടുപിടിച്ചത്‌ എത്രയോ കാലം മുൻപ്‌ മുതൽക്കുള്ള കഥയല്ലേ? അരമനകൾ ആഡംബരത്തിന്റെ വിളംബരമായതും പുതിയതൊന്നുമല്ലല്ലൊ. തങ്ങൾക്കിഷ്ടമല്ലാത്തവരെ ഭരണകൂടത്തിന്റെ സഹായത്തോടെ ഉന്മൂലനം ചെയ്യാൻ ശ്രമിച്ചതും ചരിത്രത്തിൽ ധാരാളം കാണാം.

ഇത്‌ ക്രിസ്റ്റ്യാനിറ്റിയുടെ മാത്രം കാര്യമല്ല. പറ്റാവുന്നിടത്തെല്ലാം സ്വർണ്ണം പൂശിയും ആഘോഷപൂർവ്വം കോടികൾ ചെലവഴിച്ച്‌ ഉത്സവങ്ങൾ കൊണ്ടാടിയും അമ്പലങ്ങൾ ധൂർത്ത്‌ കാണിക്കുന്നത്‌ അസാധാരണമല്ല.

ദൈവത്തിന്‌ ധനം വേണ്ടെങ്കിലും ഭക്തരിൽ നിന്നും അത്‌ വാങ്ങിക്കേണ്ടത്‌ (പിഴിയേണ്ടത്‌ എന്നും പറയാം) ആരുടെ ആവശ്യമാണെന്ന് ആർക്കും മനസിലാക്കാവുന്നതേയുള്ളു.

നാട്ടുകാരന്‍ said...

അപ്പൂട്ടന്‍,

അഭിപ്രായത്തിനു നന്ദി!

ഞാൻ പറഞ്ഞ പുതിയ ക്രിസ്തു എന്നത് നാലാം നൂറ്റാണ്ടിനു ശേഷമുള്ള ക്രിസ്തുവിനേക്കുറിച്ചാണു... കാരണം അന്നു മുതലാണു സഭയിൽ ലോകാധികാരം കടന്നു കൂടിയത് !

മറ്റുമതങ്ങളെക്കുറിച്ച് ഞാനൊന്നും പറയുന്നില്ല...കാരണം നമ്മുടെ കണ്ണിൽ നല്ലഒന്നാന്തരം തടിയല്ലേ കിടക്കുന്നത് ! കൂടാതെ മറ്റൊരു വിത്യാസവും കൂടിയുണ്ട്...

ഹൈന്ദവ ദൈവങ്ങൾ വസിക്കുന്നതു വിഗ്രഹത്തിലും അമ്പലത്തിലുമാണ് ! അതിനാൽ ആ ദൈവങ്ങളുടെ വാസസ്ഥലവും അതു തന്നെയാണ്. അതിനാൽ ദൈവത്തിന്റെ വീട് സ്വർണ്ണം പൂശുന്നതു ദൈവത്തിനു സന്തോഷമാകും.

എന്നാൽ ക്രിസ്ത്യാനിയുടെ ദൈവം പള്ളിയിൽ ആണിരിക്കുന്നത് എന്ന് ഒരു അച്ചനും പറയില്ല ! ആ ദൈവം ഹ്രദയങ്ങളിലാണ് വസിക്കുന്നത് എന്നാണ് സഭ പറയുന്നത്‌. അങ്ങനെ വരുമ്പോൾ പള്ളി മോടിപിടിപ്പിക്കുന്നത് എന്തിനുവേണ്ടി? അവിടെ താമസിക്കുന്ന ദൈവമല്ലല്ലോ ക്രിസ്ത്യാനിയുടെ ദൈവം!

നാട്ടുകാരന്‍ said...

ചിത്രകാരൻ,

“കൃസ്തു എന്നത് സാത്താന്‍ അണിയുന്ന ഒരു മുഖാവരണം മാത്രമാണ്. “ ഒരിക്കലുമല്ല.... അതോരു യാഥാർത്യമാണ്. എന്നാൽ ഇന്നത്തെ പല സാത്താന്മാരും ആ മുഖമ്മൂടി അണിയുന്നു എന്നതു സത്യവുമാണ്!


“രക്തസാക്ഷികളോളം ചൂടപ്പം പോലെ വിറ്റുപോകുന്ന ചരക്കുകള്‍ വേറെയില്ല.“ ഈ രക്തസാക്ഷികൾ എന്നത് ബന്ദ് നടത്തുമ്പോൾ പോലീസ് വെടിവെയ്പിൽ കൊല്ലപ്പെടുന്നതുപോലെയല്ല...തന്റെ വിശ്വാസത്തിനു വേണ്ടി ഉറച്ച് നിന്നുകൊണ്ട് സമാധാനപരമായി ജീവൻ ബലി നൽകുന്നതാണ് രക്തസാക്ഷിത്വം. അത്രയും വിലയുള്ളതായി മറ്റൊന്നുമില്ല ! അങ്ങനെയല്ല എന്നു ചില്ലുമേടയിലിരുന്ന് ചിന്തിക്കുന്നവർക്കു തോന്നിയേക്കാം. സ്വന്തം ശരീരം ഒന്നു പോറുമെന്നു കേൾക്കുമ്പോൾ സകലവും ഇട്ടേച്ച് ഓടിപ്പോകുന്ന നപുംസകങ്ങൾക്ക് അതിന്റെ വില ഒരിക്കലും മനസ്സിലാകുകയുമില്ല!

അതിനാൽ എല്ലാ രക്തസാക്ഷികളേയും ഒരു അളവുകോലുകൊണ്ട് അളക്കരുത് !

മുക്കുവന്‍ said...

hmm.. this is nothing in front of italian churches.. they collected money from all poor people from all over the world and built huge churches.. now if you want to see those church you will have to pay entrance fee :)

those entrance fee is not far away for angamally and koratty church too..

ജിക്കൂസ് ! said...

വളരെ രസകരമായ അവതരണം പക്ഷെ അതീവ വിമര്‍ശനാത്മകം.....ഇഷ്ട്ടപ്പെട്ടു.....ക്രിസ്തുവിനെ ബിസിനെസ്സ് ആകുന്ന അവസ്ഥയുടെ വ്യെക്തമാക്കുന്ന അവലോകനം..പക്ഷെ വാക്കുകള്‍ പരിധി വിട്ടു പോയോ എന്നൊരു തോന്നല്‍...(തോന്നല്‍ മാത്രം)..ഇന്ന് പള്ളികള്‍ മത്സരിച്ചു കാശ് മുടക്കുമ്പോള്‍ ഒരു നേരത്തിനു പോലും വകയില്ലാത്ത ഇടവകക്കാര്‍ ഉണ്ടെന്നു ആരും അറിയുന്നില്ല...കാരണം അച്ചനുല്പടെയുള്ളവര്‍ കാണുന്നത് ബെന്സിലും മറ്റും വരുന്ന പ്രമാണിമാരെ മാത്രം ....എന്റെ അഭിപ്രായത്തില്‍ ഈ കപട പള്ളി പ്രമാണിമാര്‍ തന്നെയാണ് നമ്മുടെ ശാപം.....എല്ലാം മായ ആല്ലെങ്കില്‍ എല്ലാം ബിസിനെസ്സ്......ഈ ചര്‍ച്ചയുടെ ഒരു ഭാഗം എന്ന നിലയില്‍ ഒരു പള്ളിയില്‍ അച്ചന്റെ കാശ് വാരലിനെ കുറിച്ച് ഒരു അന്വേഷണം ;പങ്കെടുക്കും എന്ന് കരുതുന്നു.......ഇവിടെ കാണൂ ഈ ഡീല്‍ ഓര്‍ നോ ഡീല്‍ അച്ചന്‍

ജിക്കൂസ് ! said...

ഒന്ന് കൂടി പറയാനുണ്ട്.....മരണം പോലും ആഘോഷം ആക്കുന്ന ക്രിസ്ത്യാനികള്‍...എല്ലാമേ ബിസിനെസ്സ്...അവിടെ ചര്‍ച്ച ചെയ്യുമെന്ന് കരുതുന്നു....ഇതൊന്നു കാണൂ ...ഒരു മരണം വാര്‍ത്തയുടെ ആഘോഷം

Micky Mathew said...
This comment has been removed by the author.
Micky Mathew said...

100 cor. മുടാക്കി പണിയുന്നു ഇടപ്പള്ളി പള്ളി. ഒരു നെരതെ അഹാരം പൊലും കഴിക്കാന്‍ വശമിലാതെ എത്രായൊ ഇവിടെ പാവങ്ങള്‍ ഉള്ളപോള്‍ ഈ പള്ളി പണിയണൊ......

MANIKANDAN [ മണികണ്ഠന്‍‌ ] said...

നാട്ടുകാരാ ഇതു ഒരു വിഭാഗത്തിന്റെ ഇടയില്‍ മാത്രം ഒതുങ്ങി നില്‍ക്കുന്നതല്ലല്ലൊ, എല്ലാവരും ദേവാലയങ്ങള്‍ക്കായി എത്ര കോടികള്‍ ആണ് ചിലവൊഴിക്കുന്നത്. അതെല്ലാം വിമര്‍ശിക്കപ്പെടേണ്ടതുതന്നെ. പണ്ട് സ്കൂളില്‍ പഠിക്കുന്ന സമയത്ത് സ്കൂളിനോട് ചേര്‍ന്നുള്ള പള്ളിയില്‍ ഉച്ചയ്ക്ക് പോകാറുണ്ട്. അവിടെ ഉള്ള ആ നിശബ്ദത വല്ലപ്പോഴും പറന്നുവരുന്ന് പ്രാവുകളുടെ ചിറകടി ഇതെല്ലാം ഇപ്പോഴും മനസ്സില്‍ ഉണ്ട്.

MANIKANDAN [ മണികണ്ഠന്‍‌ ] said...

തൈക്കേടന്‍ ഇടപ്പള്ളിയില്‍ ഇടവക വിഭജനവുമായി ബന്ധപ്പെട്ട സംരമാണ് നടക്കുന്നത്. ഒരു വിഭാഗത്തിന് ഈ ഇടവകയില്‍ നിന്നും പുതിയ ഇടവകയില്‍ ചേരാന്‍ താല്പര്യമില്ല.

MANIKANDAN [ മണികണ്ഠന്‍‌ ] said...

ഹൈന്ദവ ദൈവങ്ങള്‍ വസിക്കുന്നത് വിഗ്രഹങ്ങളില്‍ ആണ്. ഈ പ്രസ്താവന എത്രമാത്രം ശരിയാണെന്ന് അറിയില്ല. തൂണിലും തുരുമ്പിലും എന്നാണ് ഞാന്‍ കേട്ടിട്ടുള്ളത്. കുറേക്കൂടി വിശാലമായ അര്‍ത്ഥത്തില്‍ എന്നിലും താങ്കളിലും എല്ലാം ദൈവം വസിക്കുന്നു എന്നും പറയാം. പ്രാര്‍ത്ഥിക്കാന്‍ ഒരു ബിംബം ആവശ്യമായതുകൊണ്ട് വിഗ്രഹങ്ങളെ പ്രതിരൂപമായി പൂജിക്കുന്നു എന്നു പറയാം. ഇതാണ് ഞാന്‍ മനസ്സിലാക്കിയത്.

അതിനാൽ ദൈവത്തിന്റെ വീട് സ്വർണ്ണം പൂശുന്നതു ദൈവത്തിനു സന്തോഷമാകും. ഇതുവായിച്ചപ്പോള്‍ കുചേലവൃത്തം വഞ്ചിപ്പാട്ടിലെ ഈ വരികള്‍ ആണ്‍ ഓര്‍മ്മവന്നത്. ഭഗവാന്‍ ശ്രീകൃഷ്ണന്‍ കുചേലനോടു പറയുന്ന വരികള്‍
കൈക്കലര്‍ത്ഥമൊന്നുമില്ലാഞെന്റെ-
ഭക്തന്മാരര്‍പ്പിച്ചാല്‍
കൈക്കും കാഞ്ഞിരക്കുരുവുമെനിക്കമൃതം
ഭക്തിഹീനരായഭക്തന്മാരമൃതം തന്നെന്നാലും
തിക്തകാര്‍സ്കരഫലമായിട്ടുതീരും

ബിനോയ്//HariNav said...

ഏത് ക്രിസ്തു എന്ത് ക്രിസ്തു?! ഞങ്ങള്‍ പുരോഹിതര്‍ തീരുമാനിക്കും എല്ലാം. നീയൊക്കെ എങ്ങനെ ജീവിക്കണം, എന്ത് പഠിക്കണം, എത്ര പിള്ളേരേ ജനിപ്പിക്കണം, കോണ്ഡം എങ്ങനെയിടണം, എങ്ങനെ പള്ളി പണിയണം, ആര്‍ക്ക് വോട്ട് ചെയ്യണം തുടങ്ങിയ ഭാരിച്ച കാര്യങ്ങളൊക്കെ ഞങ്ങള്‍ തീരുമാനിക്കും. നീയൊക്കെ എല്ല്‌ മുറിയെ പണിയെടുത്ത് ഞങ്ങള്‍ക്ക് ഞണ്ണാനുള്ളത് സമയാസമയം അരമനേലേക്കെത്തിച്ചാല്‍ മതി.

നല്ല ലേഖനം നാട്ടുകാരാ :)

Vinod Nair said...

excellent article, at my youth i have always looked into christanity as a far greater religion than hinduism, may be thwo sisters who taught me in nursery was a great influence . later once i grew up i realized christanity is as rotten as hinduism, after coming to gulf i realized islam is not better too .excellent article , i hope one day our youth will realize god is not religion

കിടങ്ങൂരാൻ said...

രക്തസാക്ഷികളും , വാഴ്ത്തപെട്ടവര്‍ എന്നിവരും സഭക്ക്‌ വരുമാനമുണ്ടാക്കാന്‍ വേണ്ടി വിശുദ്ധരുടെ പദവിയിലേക്ക് ഉയര്‍ത്തപെടുന്നതാണ്. അല്‍ഫോസാമ്മേയേക്കാളും എന്തുകൊണ്ടും വിശുദ്ധ ജീവിതം നയിച്ച വ്യക്തിയാണ് ഗാന്ധിജി. എന്തുകൊണ്ട്‌ സഭ അദ്ദേഹത്തെ വിശുദ്ധനായി പ്രഖ്യാപിക്കുന്നില്ല? ക്രിസ്ത്യാനിയായി ജനിച്ചാല്‍ മാത്രമേ വിശുദ്ധനാകൂ എന്നുണ്ടോ? ചില്ലറ കിട്ടില്ല.. അതു തന്നെ കാര്യം. അതുമാത്രമാണ് കാര്യം.

Typist | എഴുത്തുകാരി said...

നാല്പതു കോടി മുടക്കി പള്ളിയോ? അപ്പോഴതിനെ പള്ളി-പ്രാ‍ര്‍ത്ഥനാ‍ലയം എന്നല്ല,കൊട്ടാരം എന്നല്ലേ പറയേണ്ടതു്?

നാട്ടുകാരന്‍ said...

മണികണ്ഠന്‍‌,

ക്രിസ്ത്യാനിക്ക് ഒരിക്കലും വസ്തുവിൽ ദൈവാംശം പോലുമില്ല. അതു വെറുതേ കാശുണ്ടാക്കാൻ സഭ കളിക്കുന്ന കളിയാണ്. പത്തുകല്പനകൾ എന്ന പോസ്റ്റിൽ നമ്മുടെ ബൂലോഗത്തിൽ ഞാൻ അതിനേക്കുറിച്ച് പറഞ്ഞിരുന്നു.

“പ്രാര്‍ത്ഥിക്കാന്‍ ഒരു ബിംബം ആവശ്യമായതുകൊണ്ട് വിഗ്രഹങ്ങളെ പ്രതിരൂപമായി പൂജിക്കുന്നു എന്നു പറയാം.“ ഇത്രപോലും ക്രിസ്ത്യാനിക്കു പറ്റില്ല. അത്രയുമേ ഞാനുധേശിച്ചൊള്ളൂ... യഥാർഥ ക്രിസ്ത്യാനിക്കു ദൈവാലയം വെറും ഒരു കെട്ടിടം മാത്രം !

നാട്ടുകാരന്‍ said...

വിനോദ് നായർ,

ഇന്നത്തെ ക്രിസ്തീയത എന്നു പറയപ്പെടുന്ന സാധനം ചീമുട്ടയേക്കാളും ചീഞ്ഞതാണെന്നു പറാൻ എനിക്കൊരു ബുധിമുട്ടുമില്ല ! ഞാനും ആ ചീമുട്ടയുടെ ഭാഗവും ഇങ്ങനെ ചീയാനുള്ള ഒരു കാറണവുമാണല്ലോ എന്ന വിഷമം മാത്രം! (എന്നാൽ യഥാർഥ ക്രിസ്തീയത എന്നതു തനി തങ്കമാണ്) മരുന്നിനു പോലും കാണന്നിപ്പോൾ ഇല്ല എന്നു മാത്രം !

നാട്ടുകാരന്‍ said...

കിടങ്ങൂരാൻ,
“രക്തസാക്ഷികളും , വാഴ്ത്തപെട്ടവര്‍ എന്നിവരും സഭക്ക്‌ വരുമാനമുണ്ടാക്കാന്‍ വേണ്ടി വിശുദ്ധരുടെ പദവിയിലേക്ക് ഉയര്‍ത്തപെടുന്നതാണ്. “ തികച്ചും ശരിയാണ്.

ബൈബിൾ എല്ലാ ക്രിസ്ത്യാനികളേയും വിളിക്കുന്നത് വിശുദ്ധർ എന്നാണ്. ഇപ്പോൾ ചിലരെ വിശുദ്ധരല്ലാത്ത മാർപ്പാപ്പാമാർ വിശുദ്ധരാക്കുന്നു ! പിന്നീട് ഈ മാർപ്പാപ്പാമാരെ വിശുദ്ധരാക്കുന്നു!

അകപ്പാടെ ഒരു രസമില്ലേ കേൾക്കാൻ :)

നാട്ടുകാരന്‍ said...

എഴുത്തുകാരി ചേച്ചി,

“പ്രാ‍ര്‍ത്ഥനാ‍ലയം“ എന്നത് വെയിലും മഴയും കൊള്ളാതെ പ്രാർഥിക്കാനുള്ള ഒരു കെട്ടിടം മാത്രമല്ലേ? ഇതെല്ലാം ശരിക്കും പാവങ്ങളുടെ കീശയിൽ കൈയിട്ട് പേരെടുക്കാനുള്ള അച്ചന്മാരുടെ ഓരോ തന്ത്രങ്ങളല്ലേ :)

നാട്ടുകാരന്‍ said...

ഇവിടെ സന്ദർശിക്കുകയും അഭിപ്രായം അറിയിക്കുകയും ചെയ്ത എല്ലാവർക്കും നന്ദി.

മുക്കുവന്‍ said...

I forgot to mention the chicago story... the catholics built a church chicago, with 9 million it seems. money collected from poor workers and now the brilliant bishop claims that its his home :)

cheers

രഘുനാഥന്‍ said...

രണ്ട് അച്ചന്‍മാര്‍ വെളുപ്പാം കാലത്ത് ഈവെനിംഗ് വാക്കിനു വേണ്ടി കന്യാസ്ത്രീ അമ്മയെ കൂട്ട് പിടിച്ചു പോയപ്പോള്‍ വഴിയില്‍ വച്ച് മോര്‍ണിംഗ് വാക്കിനു വന്ന വേറൊരു കന്യാസ്ത്രീയമ്മയെ കോടാലിക്കു കാച്ചിക്കളഞ്ഞു എന്ന വാര്‍ത്ത കണ്ടപ്പോള്‍ ക്രിസ്തു ഞെട്ടിയ ഞെട്ടല്‍ ഇന്ത്യാ വിഷനില്‍ ലൈവ് കാണിച്ചിരുന്നു നാട്ടുകാരാ

രഘുനാഥന്‍ said...
This comment has been removed by the author.
മണിഷാരത്ത്‌ said...

വളരേ കാലികവും പ്രസ്ക്തവുമായ പോസ്റ്റ്‌.ഇതിന്റെ കൂടെ ചേര്‍ത്ത്‌ പറയേണ്ട ഒത്തിരി ഒത്തിരി ഇനിയും കിടക്കുന്നു.ആത്മീയം പറയുന്നവരുടെ സമ്പത്ത്‌ കണ്ട്‌ ജനം കണ്ണ്‍ മിഴിക്കട്ടെ .കോളേജുകള്‍,സ്റ്റേഡിയങ്ങള്‍,ഷോപ്പിംഗ്‌ കോമ്പ്ലക്സുകള്‍, ഇനി വലിയ താമസമില്ലാതെ ലാഭകരമെന്ന് കണ്ടാല്‍ എന്തെല്ലാം തുടങ്ങുമെന്ന് കാത്തിരുന്നു കാണാം.ഏതായാലും എതിര്‍പ്പുകള്‍ പടയ്ക്കകത്തുനിന്നു തന്നെ തുടങ്ങട്ടേ...അഭിനന്ദനങ്ങള്‍

ശ്രീ (sreyas.in) said...

ഈ കുറ്റപ്പെടുത്തലില്‍ കാര്യമുണ്ടെന്നു കരുതുന്നില്ല. മറ്റെല്ലാ ആദര്‍ശങ്ങളും പോലെതന്നെ മാതാദര്‍ശത്തിനും കാലത്തിന്റെതായ മാറ്റം വരുന്നു. ഓല ഷെഡ്ഡില്‍ പോയി പ്രാര്‍ഥിക്കാന്‍ ഇക്കാലത്ത് മനുഷ്യന്‍ മടിക്കും. പള്ളിയും അമ്പലവും അവയിലെ മാര്‍ബിളില്‍ കൊത്തിവയ്ക്കുന്ന സംഭാവന നല്‍കിയവരുടെ പേരുമൊക്കെയാണ് ഇപ്പോള്‍ വലുത്. നമ്മുടെ രാഷ്ട്രീയ പാര്‍ട്ടികള്‍ക്കും അവരുടെ പാര്‍ട്ടി മീറ്റിംഗ് നടക്കുന്ന സ്ഥലങ്ങള്‍ക്കും ഒക്കെ കാലാനുസൃത മാറ്റങ്ങള്‍ നടക്കാറില്ലേ? നാമോരോരുത്തരും താമസിക്കുന്ന വീടിനും കാലോചിതമായ മാറ്റം വന്നിട്ടില്ലേ? അതുപോലെയുള്ള മാറ്റങ്ങള്‍ മാത്രമേ ഇതിലും കാണാന്‍കഴിയൂ. പട്ടിണി കിടക്കുന്നവര്‍ ഉള്ള നമ്മുടെ നാട്ടില്‍ ലോ ഫ്ലോര്‍ എ സി ബസ്‌ ഓടുന്നതുപോലെ, ദാരിദ്ര്യ രേഖയ്ക്ക് താഴെയുള്ള പൌരന്മാര്‍ ധാരാളമുള്ള ഭാരതത്തില്‍ നിന്ന് ചന്ദ്രനിലേക്ക് ആളുകളെ അയയ്ക്കാന്‍ പ്രവര്‍ത്തിക്കുമ്പോള്‍ , എന്തിനു പള്ളിയും അമ്പലവും മാത്രം വെറുതെയിരിക്കണം? രാഷ്ട്രീയ പാര്‍ട്ടികള്‍ക്ക് നിലനില്‍പ്പിന് അനുയായികള്‍ ആവശ്യമാണെന്നതുപോലെ, അണികളെ പിടിച്ചു നിര്‍ത്തേണ്ടത് അത്യാവശ്യമായിരിക്കുന്നതുപോലെ, മതങ്ങളും ശ്രമിക്കുന്നു. മതത്തിന്റെ നിലനില്‍പ്പ്‌ (ഈശ്വരന്റെയല്ല!) - അതാണ്‌ പ്രധാനം. അതിലളിതം. ഇത്തരം മാറ്റങ്ങള്‍ എന്നുമുണ്ടായിരിന്നു, ഇനിയുമുണ്ടാവുകതന്നെ ചെയ്യും. രാഷ്ട്രീയ പാര്‍ട്ടികള്‍ നിലനില്‍പ്പിനായി കാലാകാലങ്ങളില്‍ അവരുടെ ആദര്‍ശങ്ങളില്‍നിന്ന് വ്യതിചലിക്കും പോലെ, സഭകള്‍ക്കും നിലനില്‍പ്പിനായി മാറ്റങ്ങള്‍ വരുന്നു, വന്നേപറ്റൂ.

Nasiyansan said...

ആധുനിക ദേവാലയങ്ങളെപ്പറ്റിയുള്ള പലരുടെയും വിമര്‍ ശനങ്ങള്‍ വായി ച്ചു. വായിച്ചപ്പോള്‍ ഓര്‍മയില്‍ വന്നതു മറിയം-മഗ്ദലേനാ ഈശോയുടെ കാല്‍പ്പാദം സുഗന്ധദ്രവ്യങ്ങള്‍കൊണ്ടു പൂശിയപ്പോള്‍ യൂദാസ് ചോദിച്ചു: "ഇതു 300 ദനാറയ്ക്കു വിറ്റു ദരിദ്രര്‍ക്കു കൊടുക്കാ മായിരുന്നില്ലേ എന്ന്

ഈശോ പറഞ്ഞു: "ദരിദ്രര്‍ എപ്പോഴും നിങ്ങളോടുകൂടിയുണ്ടല്ലോ! ഞാന്‍ എപ്പോഴും നിങ്ങളു ടെകൂടെ ഉണ്ടായിരിക്കുകയില്ല'' എന്ന്.

ദൈവവചനം വീണ്ടും പറയുന്നു "ദരിദ്രരോടുള്ള സ്നേഹം കൊണ്ടല്ല അവന്‍ കള്ളനായിരുന്നതുകൊണ്ടും പണസഞ്ചി അവന്റെ കയ്യിലായിരുതുകൊണ്ടും അവന്‍ അതില്‍നിന്ന് എടുത്തിരുന്നതുകൊണ്ടുമാണ് എന്ന്''.

Nasiyansan said...

നിര്‍മ്മലനായ വിശ്വാസിക്കു മനോഹരമായ ദേവാലയം കാണു മ്പോള്‍ ആനന്ദമാണുണ്ടാകുന്നത്. ലോകത്തിലെ ആദ്യത്തെ ദേവാലയം (ജെറുസലേം) ദൈവാരുളപ്പാടാല്‍ പണിത് അനേക വര്‍ഷം കൊണ്ട്, മദ്ബഹാ മാത്രമല്ല വിളക്കുകാലുപോലും സ്വര്‍ണമായിരുനു. ഞാന്‍ വലിയ കൊട്ടാര ത്തില്‍ താമസിക്കുമ്പോള്‍ ദൈവം വസിക്കുന്ന ആലയം അതിലും മനോഹരമായിരിക്കണം എന്നായിരുന്നു രാജാവിന്റെ ആഗ്രഹം. സോളമന്‍ അനേകവര്‍ഷം കൊണ്ടു ദേവാലയം പൂര്‍ത്തിയാക്കി പ്രതിഷ്ഠ നടത്തിയശേഷം ദൈവം വീണ്ടും പ്രത്യക്ഷനായി. "നീ എന്റെ സിധിയില്‍ (രാജാ. 9:3) സമര്‍പ്പിച്ച പ്രാര്‍ത്ഥനകളും യാചനകളും ഞാന്‍ ശ്രവിച്ചു. നീ നിര്‍മിക്കുകയും എന്നെയ്ക്കുമായി എന്റെ നാമം പ്രതിഷ്ഠിക്കുകയും ചെയ്ത ഈ ആലയം ഞാന്‍ വിശുദ്ധീകരിച്ചിരിക്കുന്നു. എന്റെ ഹൃദയപൂര്‍വകമായ കടാക്ഷം എന്നും അവിടെ ഉണ്ടായിരിക്കും'' എന്ന് അരുളിച്ചെയ്ത ദൈവം - എന്റെ കല്പനകളും നിയമങ്ങളും ലംഘിക്കുകയും അന്യദേവനമാരെ സേവിക്കുകയും ചെയ്താല്‍ എനി ക്കുവേണ്ടി ഞാന്‍ വിശുദ്ധീകരിച്ച ഈ ദേവാലയം എന്റെ മുമ്പില്‍നിന്നു ഞാന്‍ നീക്കിക്കളയും. ഈ ആലയം നാശകൂമ്പാരമായിത്തീരും'' എന്നും മുറിയിപ്പു നല്കി.
ദേവാലയങ്ങള്‍ പതിനായിരങ്ങള്‍ ദൈവാരാധനയ്ക്കും ബലിയര്‍പ്പണത്തിനും ഒന്നിച്ചുകൂടുന്ന സ്ഥലമാണ്. ദൈവം വസിക്കുന്ന സ്ഥലമാണ്, നൂറുകണക്കിനു വര്‍ഷങ്ങള്‍ നിലനില്ക്കേണ്ടതാണ്. അതിനെ വിമര്‍ശിക്കുവര്‍ മറ്റെന്തിന്റെയോ ബന്ധനത്തിലിരിക്കുന്നവരാണ്.

നാട്ടുകാരന്‍ said...

നിസ്സഹായൻ,
താങ്കൾ തികച്ചും ഒരു നിസ്സഹായനായതിൽ വിഷമമുണ്ട് !

“ഈശോ പറഞ്ഞു: "ദരിദ്രര്‍ എപ്പോഴും നിങ്ങളോടുകൂടിയുണ്ടല്ലോ! ഞാന്‍ എപ്പോഴും നിങ്ങളു ടെകൂടെ ഉണ്ടായിരിക്കുകയില്ല'' എന്ന്.

ദൈവവചനം വീണ്ടും പറയുന്നു "ദരിദ്രരോടുള്ള സ്നേഹം കൊണ്ടല്ല അവന്‍ കള്ളനായിരുന്നതുകൊണ്ടും പണസഞ്ചി അവന്റെ കയ്യിലായിരുതുകൊണ്ടും അവന്‍ അതില്‍നിന്ന് എടുത്തിരുന്നതുകൊണ്ടുമാണ് എന്ന്''. “

നല്ല വ്യാഖ്യാനം ! എന്നെങ്കിലും ഈ ദരിദ്രർ മാത്രമുണ്ടാവുന്ന ഒരു കാലമുണ്ടാവുമോ? ഉണ്ടെങ്കിൽ അതെന്നായിരിക്കും?

ഇതേ യേശുതന്നെയാണോ
“നിനക്കുള്ളതെല്ലാം വിറ്റ് ദരിദ്രർക്ക് കൊടുത്തതിനുശേഷം എന്നെ അനുഗമിക്കുക”
“ നിന്നേപ്പോലെ നിന്റെ അയൽക്കാരനേയും സ്നേഹിക്കണം”
“രണ്ടുള്ളവൻ ഒന്നില്ലാത്തവനു കൊടുക്കണം”

എന്നൊക്കെ പറഞ്ഞിരിക്കുന്നത്?

സന്ദർഭത്തിൽ നിന്നും അടർത്തിയെടുത്ത് ഇങനെയൊരു വ്യാഖ്യാനം നൽകിയത് അറിവില്ലയ്മയാണെന്ന് കരുതാൻ വയ്യ ! കാരണം ഈ ധൂർത്തിനെ ദൈവവചനം വെച്ചുതന്നെ ദുർവ്യാഖ്യാനം നടത്തുന്നതിനെ നിസ്സഹായത എന്നല്ല മറ്റുപലതുമാണ് പറയേണ്ടത് !

നാട്ടുകാരന്‍ said...

നിസ്സഹായൻ,
“എന്റെ കല്പനകളും നിയമങ്ങളും ലംഘിക്കുകയും അന്യദേവനമാരെ സേവിക്കുകയും ചെയ്താല്‍ എനി ക്കുവേണ്ടി ഞാന്‍ വിശുദ്ധീകരിച്ച ഈ ദേവാലയം എന്റെ മുമ്പില്‍നിന്നു ഞാന്‍ നീക്കിക്കളയും. ഈ ആലയം നാശകൂമ്പാരമായിത്തീരും'' എന്നും മുറിയിപ്പു നല്കി.“

ഈ ദേവാലയത്തിന്റെ ഇപ്പോഴത്തെ അവസ്ഥ അറിയാമോ? പിന്നീട് ദൈവം പറഞ്ഞ ദേവാലയം എതാണ്? അതു സ്വന്തം ശരീരമല്ലേ?

“ ദേവാലയങ്ങള്‍ പതിനായിരങ്ങള്‍ ദൈവാരാധനയ്ക്കും ബലിയര്‍പ്പണത്തിനും ഒന്നിച്ചുകൂടുന്ന സ്ഥലമാണ്. ദൈവം വസിക്കുന്ന സ്ഥലമാണ്, നൂറുകണക്കിനു വര്‍ഷങ്ങള്‍ നിലനില്ക്കേണ്ടതാണ്. അതിനെ വിമര്‍ശിക്കുവര്‍ മറ്റെന്തിന്റെയോ ബന്ധനത്തിലിരിക്കുന്നവരാണ്.“

കൃസ്ത്യാനിയുടെ ദൈവം വസിക്കുന്ന സ്ഥലം ദൈവാലയം അഥവാ പള്ളികൾ ആണോ എന്ന് ഏതെങ്കിലും ഒരു അച്ചനോട് ചോദിച്ച് മനസ്സിലാക്കൂ....

ഈ പോസ്റ്റ് ഒരിക്കലെങ്കിലും വായിച്ചിരുന്നെങ്കിൽ മുകളിലെ കമന്റ് താങ്കൾ ഒഴിവാക്കുമായിരുന്നു എന്നാണ് എന്റെ വിശ്വാസം ! ഇനിയെങ്കിലും ബന്ധനങ്ങളേക്കുറിച്ച് ശരിയായി ചിന്തിക്കൂ....മനസ്സിലാക്കൂ...

Nasiyansan said...

Dear നാട്ടുകാരന്‍,

എന്റെ പേര് വായിക്കുമ്പോള്‍ നിങ്ങള്‍ക്ക് കിട്ടുന്ന അര്‍ഥം പോലെയാണ് നിങളുടെ പല വ്യക്യാനങ്ങളും .. സഭയോടൊത്ത് ചിന്തിക്കുക ..എന്റെ പേര് നിസഹായന്‍ എന്നല്ല നസിയാന്‍സന്‍ എന്നാണ് ..വിശുദധ ഗ്രിഗറി നസിയാന്‍സന്‍....

പിന്നെ താങ്കള് പ്രദര്‍ശിപ്പിച്ച വിഗ്രഹാരധനെയെക്കുറിച്ചുള്ള പോസ്റ്റ്‌ കണ്ടിരുന്നു ... "ആ ക്രൂശിത രൂപത്തില്‍ നോക്കി ഒന്ന് കരയാന്‍ കഴിഞ്ഞിരുന്നെങ്കില്‍ " എന്ന ഗാനം എനിക്ക് പ്രിയപ്പെട്ടതാണ് ...കൂടുതല്‍ പറയുന്നതില്‍ കാര്യമില്ല ...

നസിയാന്‍സന്

Nasiyansan said...

ഇതേ യേശുതന്നെയാണോ
“നിനക്കുള്ളതെല്ലാം വിറ്റ് ദരിദ്രർക്ക് കൊടുത്തതിനുശേഷം എന്നെ അനുഗമിക്കുക”
“ നിന്നേപ്പോലെ നിന്റെ അയൽക്കാരനേയും സ്നേഹിക്കണം”
“രണ്ടുള്ളവൻ ഒന്നില്ലാത്തവനു കൊടുക്കണം”

എന്നൊക്കെ പറഞ്ഞിരിക്കുന്നത്?


ഇതൊക്കെ ക്രിസ്തുമതത്തിന്റെ അടിസ്ഥാന പ്രമാനങ്ങളാണ് .. ഇതൊക്കെ എല്ലാവര്ക്കും അറിയാം ..നല്ല ബോധ്യവുമുണ്ട് ... .ഈ കല്‍പ്പനകള്‍ അനുസരിക്കുന്നതില്‍ സഭ മുന്നില്‍ തന്നെയാണ് ...ആര്‍ക്കും ഒപ്പമെത്താന്‍ കഴിയാത്തവിധം ...

Nasiyansan said...

കൃസ്ത്യാനിയുടെ ദൈവം വസിക്കുന്ന സ്ഥലം ദൈവാലയം അഥവാ പള്ളികൾ ആണോ എന്ന് ഏതെങ്കിലും ഒരു അച്ചനോട് ചോദിച്ച് മനസ്സിലാക്കൂ....

അച്ചനോട് ചോദിക്കാന്‍ ചെന്നപ്പോള്‍ അച്ചന്‍ പള്ളിയിലായിരുന്നു ..പിന്നെ ഞാന്‍ ഊഹിച്ചു ..അപ്പോസ്തോലനമാര്‍ ഒന്നിച്ചുകൂടിയ ഭവനങ്ങളുടെ ആധുനിക രൂപങ്ങളാണ് ദേവാലയങ്ങള്‍ ...അവിടെ ഞാന്‍ എന്റെ ദൈവവുംമായി സംസാരിക്കുന്നു ...ഓരോ ദേവാലയവും വിശ്വാസികളുടെ വിശ്വാസ പ്രഘോക്ഷണമാണ്...

നാട്ടുകാരന്‍ said...

"വിശുദധ ഗ്രിഗറി നസിയാന്‍സന്‍...."
എല്ലാ വിശുദ്ധരേയും എനിക്കു പരിചയമില്ല, അതുകൊണ്ട് മാറിപ്പോയതാണ്.

“ഗാനം എനിക്ക് പ്രിയപ്പെട്ടതാണ് ...കൂടുതല്‍ പറയുന്നതില്‍ കാര്യമില്ല “

അതുശരിയാണ്.... കൂടുതല്‍ പറയുന്നതില്‍ ഒരു കാര്യവുമില്ല... അല്ലെങ്കിൽ “പാവാട വേണം മേലാട വേണം“ എന്ന പാട്ടും പാടി പള്ളി പദക്ഷിണങ്ങൾ നമ്മുടെ നാട്ടിൽ നടക്കില്ലല്ലോ !

നാട്ടുകാരന്‍ said...

“കല്‍പ്പനകള്‍ അനുസരിക്കുന്നതില്‍ സഭ മുന്നില്‍ തന്നെയാണ് ...ആര്‍ക്കും ഒപ്പമെത്താന്‍ കഴിയാത്തവിധം ...“

എന്താ സഹോദരാ ഇതിനൊക്കെ ഞാൻ മറുപടി പറയേണ്ടത്? മറ്റൊരു പോസ്റ്റിൽ സഭ നന്നായിട്ട് കല്പനകൾ പാലിക്കുന്ന വിധം ധാരാളം വിവരിച്ചതുകൊണ്ട് ഇനി പറയാൻ വയ്യ !

“ആര്‍ക്കും ഒപ്പമെത്താന്‍ കഴിയാത്തവിധം ...“ എന്നാലും ഇതൊരു സംഭവം തന്നെയാണേ ....... പറയാതെ വയ്യ :):)
ഇങ്ങനെയൊന്നും മലയാളികളെ ചിരിപ്പിക്കല്ലേ സഹോദരാ.......

നാട്ടുകാരന്‍ said...

“ അച്ചനോട് ചോദിക്കാന്‍ ചെന്നപ്പോള്‍ അച്ചന്‍ പള്ളിയിലായിരുന്നു ..പിന്നെ ഞാന്‍ ഊഹിച്ചു ..അപ്പോസ്തോലനമാര്‍ ഒന്നിച്ചുകൂടിയ ഭവനങ്ങളുടെ ആധുനിക രൂപങ്ങളാണ് ദേവാലയങ്ങള്‍ ...അവിടെ ഞാന്‍ എന്റെ ദൈവവുംമായി സംസാരിക്കുന്നു ...ഓരോ ദേവാലയവും വിശ്വാസികളുടെ വിശ്വാസ പ്രഘോക്ഷണമാണ്...“

ഇങ്ങനെ സാഹിത്യഭംഗി തുളുമ്പുന്ന വാക്കുകൾക്ക് ഞാനെന്തു പറയാൻ? ഒരു നല്ല നമസ്ക്കാരം മാത്രമേ എനിക്കു പറയാനുള്ളൂ.... കാരണം ഉറങ്ങുന്നവനേ വിളിച്ചുണർത്താം ഉറക്കം നടിക്കുന്നവനെ വിളിച്ചുണർത്താൻ സാധിക്കില്ല എന്നാണ് പഴംചൊല്ല്!

നാട്ടുകാരന്‍ said...

പുതിയ പോസ്റ്റ് വായിക്കൂ.......
കോഴിക്കോട് പെരുവണ്ണാമൂഴി പള്ളിയില്‍ അത്ഭുതം !